د جماعت اسلامي امير سراج الحق وئيلي دي چې غزې ته دوا اؤ خوراک رسولو دحکمرانانو کار نۀ دى اؤ مسلمان حکمرانان خپل ذمه وارۍ نۀ ترسره کوي.

باغی ټی وی رپورټ

جماعت اسلامي له فلسطينيانو سره د پيوستون د څرګندولو په موخه په اسلام اباد کې لاريون وکړ، چې سلګونو کسانو په کې ګډون وکړ.

مظاهرې ته د جماعت اسلامي امير سراج الحق وينا وه په حکمرانانو نيوکه وکړه او ويې ويل د حکمرانانو کار غزې ته دوا او خوراک رسول نه بلکې د غزې د خلقو ژغورل دي.

هغه وویل دا د افسوس خبره ده چې مسلمانو واکمنانو امریکا ته سترګې په لاره دي په څو ورځو کې تر اته زره زیات فلسطینیان شهیدان شول.

د ملک د حالاتو په اړه سراج الحق وويل پرون زمونږ په کارکنانو تشدد وشو، تاسو زمونږ په ګرفتارولو سره څوک خوښول غواړئ؟

د بله پلوه د فلسطیني ولس سره د پیوستون ښودلو په خاطر د جمعیت علمای اسلام لخوا په کوئټه کې طوفان الاقصی مارچ ترسره شو چې پکې ګڼ شمیر کارکنان هم موجود وو.

د غونډې ګډونوالو په خپله وینا کې وویل چې فلسطین به د یوه خپلواک دولت په توګه راڅرګند شي.