باغی ټی وی رپورټ
د پاکستاني دیپلوماتیکو سرچینو په وینا، په قطر کې میشت د پاکستان د پوځ میجر ارسلان ریاض ته نژدې د یوه موټر او ټېلر ترمنځ په ټکر کې ټپي شوی او د کورنۍ څلور غړي یې وژل شوي دي.
ډيپلوماټيکې سرچينې وايي، په دغه پېښه کې په قطر کې د پاکستاني پوځ د ميجر ارسلان مور، مېرمن، زوی او لور وژل شوي دي.
په پېښه کې تورن ارسلان ټپي شوی او په یوه ځايي روغتون کې تر درملنې لاندې دی.
د ډیپلوماتیکو سرچینو په وینا، د پاکستان سفارت به د اسنادو له بشپړولو وروسته د مړو جسدونه راولپنډۍ ته ولېږدوي.
د پاکستان سفير احمد فاروق په پېښه کې د وژل شويو کسانو له کورنيو سره خواخوږي څرګنده کړې او د ټپيانو د ژر روغتيا لپاره يې دعا کړې ده.
Leave a Reply