په خواجه اجمیر نگري کې د شراب خانې په ضد د پولیس اقدام نه کولو عدالت ایس ایچ او باندې غصه ښودلې ده.

باغي ټي وي رپورټ

د سندهـ هائي کورټ کښې د کراچۍ په خواجه اجمير نگري سيمه کښې د شراب خانې په ضد دائر درخواست باندې اورېدنه وشوه چې پکښې عدالت د ايس ايچ او نه پوښتنه وکړه چې په درخواست ولې عمل نه دې شوې۔ اوس دلته راځي او کيسې کوي.

د اوريدنې په مهال عدالت د پوليس لخوا په نه عمل درآمد هم خفګان څرګند کړو او ډي آئي جي ته ئي د ايس ايچ او اجمير نگري خلاف انکوائري کولو هدايات ورکړو۔

عدالت په جاري شوي حکم کې وئيلي که د شراب خانې په اجازت ورکولو کې غيرقانوني کار شوى وي نو هغه دې وڅيړل شي اؤ په احکاماتو دې عمل وشي اؤ په راتلونکې اوريدنه کې دې رپورټ وړاندې کړل شي.

د اوريدنې په مهال عدالت د اکسائز ډيپارټمنټ ته هم نوټس جاري کړے او د هغوي نه ئي جواب طلب کړے او د درخواست نوره سماعت ئي دوه هفتو پورې وځنډولې۔