باغي ټي وي رپورټ
د پاکستان د کورنیو چارو وزیر سرفراز بګټي په اسلام اباد کې د یوې خبري غونډې پر مهال وویل چې د مهاجرینو په خپله خوښه بیرته ستنیدو ته به هڅوي خو د نومبر له لومړۍ نیټې وروسته په پاکستان کې په غیر قانوني توګه د میشتو بهرنیانو په اړه به هیڅ ډول جوړجاړی ونه کړي.
هغه وويل چې د ناقانونه کډوالو په اړه پلان نهايي شوى، په بېلابېلو ښارونو کې مرکزونه جوړ شوي چې غير قانوني کډوال به پکې ساتل کېږي.
هغه زیاته کړه، موږ د بهرنیانو په تړاو جیو فینسنګ کړی، موږ پوهیږو چې په کوم کلي او کوم ښار کې ناقانونه کډوال مېشت دي، هر هغه څوک چې په غیر قانوني توګه اوسېږي، ورسره به جدي چلند وشي.
سرفراز بګټي وویل چې دا کمپاین د غیر قانوني مهاجرینو په اړه دی، د هغو کسانو ستونزه نه ده چې په قانوني دائره کې راځي، پاکستان ته په ویزه راځي، موږ به میلمه پالنه کوو، میلمه پالنه کوو.
نگران وفاقي وزير وئيلي دي چې په ملک کې سياسي قيادت ته خطرې دي هغه وخت به راشي چې په دغه ملک کې به يو غيرقانوني بهرنى هم پاتې نۀ شي.
ديوې پوښتنې په ځواب کې سينيټر سرفراز بګټي وويل چې دا ناممکنه ده چې دغلته يو ډالر هم سمگل شي، افغان کډوال به د هرې کورنۍ د واپسۍ په مهال تر 50 زرو پورې افغاني کرنسۍ اخلي.
Leave a Reply