باغی ټي وي رپورټ
د وفاقي چارواکو ترمخه د بلوچستان، خېبرپښتونخوا، پنجاب او سندهـ د ١١ ضلعو د ماحولياتو په نمونو کې يو ځل بيا د پوليو وائرس تصديق شوی دی.
د چارواکو په وینا د پولیو وایرس د بلوچستان په چمن پشین او کوټه کې د څلورو مختلفو سیمو، د خېبر پښتونخوا په بنو او د پېښور په څلورو سیمو کې د چاپېریال په نمونو کې موندل شوی دی.
د پوليو ويروس د سندهـ د کراچۍ او د کراچۍ د مرکزي ضلعې او د پنجاب په لاهور کې د ګلشن راوي د چاپيريال په نمونو کې هم موندل شوی دی.
په پاکستان کې تر دې دمه په ۵۴ چاپیریالي نمونو کې د پولیو ویروس تایید شوی، په داسې حال کې چې پرون په کراچۍ کې د پولیو څلورمه پېښه هم ثبت شوه.
Leave a Reply