باغی ټي وي رپورټ
د امريکا ولسمشر په ټولنيزه مېډيا X باندې په خپل يو بيان کې ويلي دي چې په غزه کې پر روغتون د بريد او د ځاني زيان له امله خواشينی شوی دی.
جوبایډن وویل چې د امریکا د ملي امنیت ټیم ته لارښوونه شوې چې په غزه کې پر روغتون د حملې په اړه معلومات راټول کړي.
د امريکا جمهوررئيس وويل متحده ايالات په واضحه توگه دجگړې په مهال دملکي وګړو دژوند تحفظ لپاره ولاړ دى، مونږ په دغه تراژيدۍ کې د مړو او ژوبلو ناروغانو، طبي کارکوونکو او نورو بې گناه خلکو په غم غمجن يو.
ياده دي وي چي اسرائيلي فوځ په غزه کښي د وحشيانه بمباريو په مهال دغه روغتون په نخښه کړے وو چي پکښي د شهيدانو شميره تر 500ؤ اوړي، په داسي حال کښي چي دا حمله د نړۍ د مشرانو لخوا په کلکه غندل شوې ده.
د اسرائیلو په بریدونو کې د شهید شویو فلسطینیانو شمېر له ۳۵۰۰ څخه واوښت
پر غزې د اسراییلو په بریدونو کې د شهیدانو شمېر ۳۵۰۰ تنو ته ورسېد.
د فلسطین د روغتیا وزارت د معلوماتو له مخې، په غزه کې د اسراییلو په بریدونو کې تر ۱۲۵۰۰ ډېر کسان ټپیان شوي دي، چې په کې تر ۱۰۰۰ ډېر ماشومان او تر ۱۰۰۰ زیاتې ښځې شاملې دي.
Leave a Reply