د بجلۍ غلا کښې د ډسټريکشن کمپني افسرانو، ملازمينو او بجلي چورانو د تعلق ماتولو لپاره د بجلي په کمپنيو کښې ايف آئي اے افسران ګمارلي شوي دي۔

باغي ټي وی رپورټ

د وفاقي تحقيقاتي ادارې (اېف آئي اے) د 3 افسرانو د تقررۍ نوټيفيکيشن هم جاري کړے شو چې له مخې دغه افسران په پيسکو، سيپکو او حيسکو کښې تعينات شوي دي.

نوټيفيکيشن ترمخه د ايف آئي اے ډپټي ډائريکټر سعدالله خان پيسکو ته، ډپټي ډائريکټر صوفي عبدالحفيظ چاچړ سيپکو ته او قائم مقام ډائريکټر مزمل احمد جتوئي په حيسکو تعینات کړے شوي دي۔

نوټيفيکيشن کښې وئيلي شوي دي چې ايف آئي اے افسران به د بجلۍ غلا مخنيوي او ریکوري زياتولو کښې مرسته کوي، دغه افسران به د بجلي چور او د بجلۍ کمپنيو کښې د ملازمينو د تعلق ماتولو لپاره هم کار کوي۔

ياده دي وي چي په ټول ملک کښي د بجلئ غلا په ضد عمليات په تيزۍ سره روان دي چي پکښي د اربونو روپو برآمد کولو دعوا شوي ده او آپريشن کښي يو شمير مقدمي درج شوي او نيولي شوي دي۔