د پاکستان کرکټ بورډ انتظامیې کمیټې مشر ذکا اشرف ملي لوبډلې ته مشوره ورکړې چې د هند خلاف دې بې ویره لوبه وکړي.

باغي ټي وی رپورټ

په يو بيان کې ذکا اشرف وئيلي دي چې د هند خلاف مهمې ميچ کې به بې له ويرې لوبه وکړئ لکه څنګه چې مو په ټوله ايونټ کې لوبه کړې ده، انتظامي کميټۍ او ټول ملت د لوبغاړو سره دی.

هغه وويل، خوښ دى چې د پاکستان لوبډلې تر اوسه په نړيوال جام کې ښه لوبه کړې ده.

ذکا اشرف هند ته د تګ د پرېکړې په اړه وويل، کله چې له خبريالانو وغوښتل شول چې خپل پاسپورټونه وسپاري، ما پرېکړه وکړه چې هند ته ولاړ شم.

ياده دې وي چې د هند سفارت پاکستاني خبريالانو ته د ورلډکپ ويزو لپاره تماسونه پېل کړي او خبريالانو ته يې لارښوونه کړې چې د ويزې لپاره سمدستي خپل پاسپورټونه وسپاري.