د کرکټ نړیوالې شورا (آی سي سي) د یو ورځنیو لوبو نړیوال جام سیالیو په لړ کې سریلانکا پاکستان ته د منډو په ستر توپیر ماتې ورکړه او ګرین شرټس لوبډلې ته یې د ګټلو لپاره د ۳۴۵ منډو هدف ورکړ.

باغي ټي وی رپورټ

د حیدراباد په راجیو ګاندي نړیوال لوبغالي کې ترسره شوې لوبه کې پچه د سریلانکا لوبډلمشر داشان شاناکا وګټله او کپتان بابر اعظم ته یې د توپ وهنې بلنه ورکړه.

سریلانکا په ټاکلو ۵۰ اورونو کې د ۹ لوبغاړو په سوځیدو ۳۴۴ منډې جوړې کړې، کوشل مینډیس ۱۲۲ او سمارا ویکراما ۱۰۸ منډې وکړې.

دا په نړیوال جام کې د پاکستان پر وړاندې د هرې لوبډلې تر ټولو زیاتې منډې دي، له دې مخکې په نړیوال جام کې د پاکستان خلاف په ۲۰۱۹ کال کې د هند لخوا ۳۳۶ منډې جوړې شوې وې.

ایا پاکستان به په نړیوال جام کې د سریلانکا په وړاندې نوی تاریخ جوړ کړي؟

باید ووایو چې پاکستان هیڅکله هم د کرېکټ په نړیوال جام کې د ۲۶۵ منډو یا تر دې زیات هدف نه دی ترلاسه کړی.

د پاکستان کرېکټ لوبډلې په نړیوال جام کې تر ټولو بریالۍ هدف ۲۶۳ منډې دي چې په ۱۹۹۲ کال کې یې د نیوزیلنډ پر وړاندې ترلاسه کړې وې.

که پاکستان نړیوال جام کې نوی تاریخ جوړ کړي، نو ګرین شرټس ته به نن د سریلانکا په وړاندې د خپل نړیوال جام تاریخ کې ترټولو لوی هدف ترلاسه کړي.