د ایران د بهرنیو چارو وزیر په یوه تلیفوني مکالمه کې د هرات په زلزله غمشریکي ښودلې او تر څنګ یې د بشري مرستو ژمنه کړی.

09 اکتوبر دوشنبه 2023

د اسلامي امارت د بهرنیو چارو وزارت له لورې په یوه تازه خپره شوې خبرپانه کې راغلي چې د ایران اسلامي جمهوریت د بهرنیو چارو وزیر امير عبداللهیان د یاد وزارت له سرپرست وزبیر مولوي امیرخان متقي سره پر یو شمېر موضوعاتو ټليفوني خبرې وکړې.

په ټليفوني مکالمه کي ښاغلي امیر عبداللهیان په هرات کې د تيري ورځي د زلزلې له قربانیانو سره خپله غمشریکي وښوده او د تسلیت مراتب يې وړاندي کړل.دغه راز یې له زلزله ځپلو سره د بشري مرستو ژمنه وکړه او د هر راز همکاري چمتو والی یې وښود.

مولوي امیرخان متقي د ایران د بهرنیو چارو وزیر څخه د غمشریکۍ د څرګندولو او مرسته کولو ژمني له کبله مننه وکړه او د زلزلي د زیانونو او زلزله ځپلو د اړتیاو په هکله یې معلومات ورسره شریک کړل.

اړوند موضوعات

د هرات زلزله؛ د ایران او افغانستان د بهرنیو چارو وزیرانو ټیلیفوني خبرې وکړې

د دغې ټليفوني مکالمې په پای کې دواړو سیالانو د دواړو هېوادونو د سیاسي او اقتصادي اړېکو پر پاللو او لا تقویي او د افغان-ایران د دوه اړخیزو همکاریو پر پياوړتيا ټینګار وکړ.