د ملګرو ملتونو د سرمنشي ځانګړې استازې او د یوناما مشرې د بهرنیو چارو وزارت له سیاسي مرستیال سره کتلي.
د ملګرو ملتونو د سرمنشي ځانګړې استازې او د یوناما مشرې د بهرنیو چارو وزارت له سیاسي مرستیال سره کتلي.
07 اکتوبر شنبه 2023
د افغانستان اسلامي امارت د بهرنیو چارو وزارت له لورې په یوه تازه خپره شوې خبرپاڼه کې راغلي چې د ملګرو ملتونو د سرمُنشي ځانګړې استازې او د يوناما مشرې، آغلې روزا اتونباييفا، د بهرنيو چارو وزارت له سياسي معين شير محمد عباس ستانکزي، سره وليدل.
په ناستې کې د سيمه ييزې همغږۍ، د مخدره موادو پر ضد مبارزې، د خصوصي سوداګريز او بانکي سکتور د احيا پر لارو چارو، د ماين پاکۍ فعاليتونو، او نورو موضوعاتو په اړه خبرې وشوې.
خبر زیاتوي چې آغلې روزا اتونباييفا ملګرو ملتونو ته د خپل وروستي سفر په اړه معلومات وړاندې کړل او زياته يې کړه چې دوی هڅه کوي چې د غذايي امنيت تر څنګ د مخدره موادو پر وړاندې مبارزې، د معتادينو د درملنې، او مشروع کښتونو د ترويج په برخې کې د نړيوالو مرستې را جلب کړي.
د بهرنيو چارو وزارت سياسي معين، شير محمد عباس ستانکزي، وويل چې په ځينو برخو کې د نظر له توپير سره، سره د دې اړتيا ده چې په اتفاقي موضوعاتو کې ګډ کار وشي او افغانستان ته د ملګرو ملتونو په ګډون بيلابيلو نړيوالو فورمونو کې د ګډون حق ور کړل شي.
اړوند موضوعات
نوموړي همداراز وويل چې بشري چارې بايد له سياست څخه جلا وساتل شي او اجازه ور نه کړل شي چې سياسي توپيرونه د بشري مرستو، مخدره موادو پر وړاندې مبارزې، ماين پاکۍ او نورو برخو کې د تعامل پر وړاندې خنډ واقع شي.
Leave a reply
