باغي ټي وي رپورټ
د نفتو شرکتونو د مشورتي شورا د معلوماتو له مخې، د سپټمبر په میاشت کې د اګست په پرتله د نفتي توکو په پلور کې ۲۵ سلنه کموالی راغلی او یوازې د سپټمبر په میاشت کې یو میلیون ټنه پټرولیم محصولات پلورل شوي دي.
د معلوماتو له مخې، د برېښنا د تولید لپاره د تېلو په پلور کې ۶۱ سلنه کموالی راغلی دی.
کارپوهان وايي چې دا له کرونا وروسته د نفتي توکو تر ټولو ټیټ پلور دی.
ياده دې وي چې حکومت د اکتوبر له لومړۍ نېټې د پټروليم مصنوعاتو په نرخونو کې ۱۱ روپۍ کمې کړې وې، خو تر دې وړاندې د سپټمبر په ۱۵ مه نېټه د پټرولو په بيه کې ۲۶ روپۍ ريکارډ زياتوالی راغلی و چې ۳۳۲ روپۍ ته رسېدلی و.
د اکتوبر په 15 ، په هیواد کې د پټرول بیه 323.38 روپۍ فی لیټر ده.
Leave a Reply