د جمعیت علمای اسلام (ف) امیر مولانا فضل الرحمان وايي، د مدینې منورې ریاست جوړ شو او د ملک اقتصاد ۴۷م مقام ته لاړ، اوس سیاستوال او جنرالان هم زور اخلي خو هېواد له ستونزو نه خلاصیږي.

باغي ټي وي رپورټ

مولانا فضل الرحمان فیصل آباد کښې د ناموس رسالت کانفرنس ته د وینا پر مهال وویل چې د سیرت او شکل په لحاظ د حضرت محمد ص په شان بل څوک نه دی پیدا شوی.

ده ووئيل چې د اسلام په نوم ترلاسه شوي هېواد كښې ناحقه وينه توئېږي، نن انسانيت سولې ته اړتيا لري۔ د ترهگرۍ هدف دا دی چې په نړیواله کچه د پاکستان اقتصاد زیانمن کړي، امریکا د خپلو وسلو د خرڅلاو لپاره د جگړې په پلمه پر موږ خپل بازار جوړ کړی دی.

هغه زیاته کړه، په ۲۰۱۸ کال کې د هېواد د مجموعي ودې کچه ۶ فیصده وه، خو هغو کسانو چې د مدینې منورې شعار یې پورته کړ دا منفي صفر ته راښکته کړه او د ټوپک په پورته کولو، برید کولو او په زوره یې نړۍ ته څه پیغام ورکول غواړي؟ په دې چاپېریال کې په عبادت کوونکو برید کول دلته پانګونه مه کوئ دلته شیان ښه نه دي.

مولانا فضل الرحمان په پخواني وزیراعظم عمران خان نیوکه کړې او ویلي یې دي چې په دفاعي ادارو یې د ټایګرز له لارې بریدونه کړي، نه دا چې څه وشول هم ډوب شول، اوس سیاستوال او جنرالان هم زور اخلي خو هېواد له ستونزو نه خلاصیږي، اوس چین او سعودي عربستان هم وايي چې که داسې وشي نو زموږ پیسې به ډوب شي.

بل پلو همدې غونډې ته په خپله وينا کې د (ن) ليګ مشر رانا ثناءالله وويل که چا کوم جرم کړی وي نو بايد حساب ورسره وشي، چا ته رعایت نه شي ورکولی ځکه چې ده ته په ټاکنو کې برخه اخيستل زموږ مشران لري. له هېواده وژغورل شو