د کورنیو چارو سرپرست وزیر سرفراز بګټي د پخواني لومړي وزیر نواز شریف د نیول کېدو په اړه د ورکړل شوي بیان په اړه وضاحت ورکړی دی.

باغي ټي وي رپورټ

د سرفراز بګټي لخوا جاري شوي وضاحتي بيان کې وئيل شوي چې دې بيان ته د تناظر نه بهر سياسي رنګ ورکړل شوى ، نگران حکومت کومه سياسي ايجنډا نۀ لري، دخوشحالۍ خبره ده چې نوازشريف دپاکستان په سياست کې بيرته راتلل غواړي.

هغه وويل د پاکستان د خلکو يوه لويه برخه د نواز شريف هرکلي ته په تياريو بوخته ده او د نواز شريف وطن ته د ستنيدو سره به د قانون مطابق چلند وشي.

د کورنیو چارو سرپرست وزیر وویل، له افواهاتو او انګېرنو بهر دې مسلې ته د حقیقت له آئینې وکتل شي، نگران حکومت به د خپل واک له مخې کار کوي.

سرفراز بګټي څه بیان کړي؟

د کورنیو چارو سرپرست وزیر سرفراز بګټي په یوه تازه بیان کې ویلي، که نواز شریف له محکمې څخه ضمانت ترلاسه نه کړي، نو هغه به ونیول شي، زه فکر کوم چې نواز شریف پخپله هم نیول کېدل غواړي، خو د لوی ځواک اړتیا نه ده.

د (ن) لیګ سخت غبرګون

لاهور: د مسلم ليګ (ن) مشر رانا ثناءالله د کورنيو چارو د سرپرست وزير سرفراز بګټي څرګندونې له حده زياتې بللې دي.

د مسلم ليګ (ن) مشر رانا ثناءالله د نگران داخله وزير سرفراز بګټي بيان “زيات” بللى اؤ وئيلي يې دي چې سرفراز بګټي دې د بيان ورکولو نه وړاندې د پخواني داخله وزير شيخ رشيد برخليک وګوري چې د نواز شريف په ضد د سازشونو نتيجه ده. ولس او هېواد په کړاو اخته دی، د نوازشريف پر ضد د دوسيې په جوړولو سره د هېواد او ولس دښمني ده.