د نگران وزيراعظم د بيان په ځواب کې پاکستان تحريک انصاف د پي ټي ائي له مشر نه بغير انتخابات غير اخلاقي او غير آئيني بللي دي.

باغي ټي وي رپورټ

د پي ټي آئي وياند په خپل بيان كښې وئيلي دي چې د نگران وزيراعظم بيان د رياستي جوړښت د بې حسۍ څرګندونه ده، تحريك انصاف د پاكستان تر ټولو لويه واحد نمائنده سياسي ګوند ده۔

ده ووئيل چې د پي ټي آئي يا تحريك انصاف د چيئرمېن نه بغير ترسره شوې ټاكنې به غير آئيني او غير اخلاقي وي٬ ولس به دا ډول ټاكنې هيڅكله نه مني.

د پي ټي آئي وياند وئيلي دي انورحق کاکړ بايد سمدستي د خپل بيان وضاحت ورکړي ځکه چې د نگران وزيراعظم په حيث خپل حکومت د منصوبه بندۍ څخه جدا کړي.

ياده دې وي چې نگران وزيراعظم انوارالحق کاکړ وئيلي وؤ چې دپاکستان دتحريک انصاف مشر عمران خان او ددغه ګوند دڅلورو غړو پرته به رڼې ټاکنې ترسره کيدلى شي.

د امريکې خبري اژانس سره د يوې مرکې په مهال نگران وزيراعظم وويل چې د پي ټي ائي په جيلونو کې بنديان د ورانکارۍ او اور اچولو په غيرقانوني کارونو کې ککړ دي، د پي ټي ائي په زرگونو هغه غړي چې په غير قانوني کارونو کې لاس نه لري په ټولټاکنو کې به برخه واخلي. .

انوارالحق کاکړ وویل چې زه د عمران خان په شمول د هیڅ سیاستمدار خلاف شخصي انتقام نه اخلم، که څوک قانون ماتوي نو د قانون بالادستي به یقیني کوو.