نگران وفاقي حکومت خلکو ته امید ورکړی چې د اکتوبر له لومړۍ نیټې به پټرول ارزانه شي.

باغي ټي وي رپورټ

کراچۍ کې ميډيا سره خبرو کې دصنعت نگران وزير گوهر اعجاز وئيلي دي چې که کرنسۍ مستحکمه شوه نو پايلې به يې هم ښې وي.

هغه وويل، چې په ناقانونه توګه بهر ته د ډالرو د لېږلو په مخنيوي کې ښه والى راغلى دى، د ډالر د ارزښت کمېدل به خلکو ته راحت ورکړي.

ګوهر اعجاز وويل چې په انټر بينک او اوپن مارکيټ کې د ډالر ارزښت کم شوى، د اقداماتو له امله کرنسۍ خپل ځاى ته راستانه شوې، هيله ده چې په لومړۍ نېټه به د پټرولو په نرخونو کې ښه خبر راشي. .

نگران وفاقي وزير وويل صنعت او تجارت ته پاملرنه زمونږ ذمه واري ده، په خصوصي سرمايه کارۍ اسانتيا کونسل (SIFC) کې د سعودي عرب او متحده عرب اماراتو څخه لويه سرمايه کارۍ راځي.

بل اړخ ته د سندهـ ګورنر کامران ټیسوري وايي ګوهر اعجاز نه یوازې زما بلکې د ټول ملک د صنعتکارانو اعتماد لري، له ۷۵ کلونو راهیسې اقتصادي او ټولنیزې ستونزې پرتې دي، ګوهر اعجاز په ۹۰ ورځو کې نشي حل کولی.