باغی ټي وي رپورټ
په غونډه کې غړو په ځينو مسايلو د پيپلز پارټۍ په مشرۍ په ښکاره نيوکې وکړې او ويې ويل چې شهباز شريف به کله هم وزيراعظم نۀ وى که دپيپلز پارټۍ ملاتړ نۀ وى.
د غونډې په يو مهال اصف علي زرداري خورشيد شاه ته وويل چې شهباز شريف ته يې د اپوزيشن ليډر جوړ کړی دی، چې په اړه يې بلاول بهټو وويل چې شهباز شريف يې لومړی وزير کړی دی. اصف زرداري د بلاول په ځواب کې خندل.
د سي ای سي غړو اوویل چې د مسلم لیګ (ن) او جے یو آئی مشران په نیوکې سره احسانونه بدلوي.
غړو وويل چې دپي ټي ايم سره په يوځاى کېدو سره مو سودا وکړه، اوس په اوسنيو حالاتو کې دانتخاباتو نتيجې دټولو مخې ته دي.
د سي ای سي غړو د وفاقي کابينې په اړه سخت تحفظات څرګند کړل او د وفاقي کابينې معامله يې آصف زرداري ته وسپارله.
د پيپلز پارټۍ مرکزي ايګزيکټيو کميټۍ هم د سندهـ په نگران حکومت سخته انديښنه ښودلې او وئيلي يې دي چې د پيپلز پارټۍ د مشرانو په ضد مقدمې جوړيږي .
د پيپلز پارټۍ مشرتابه د وفاقي کابينې په اړه په اړوند فورم کې د پورته کولو باور ورکړو او غړو ته يې د اليکشن کمېشن په اړه د بيان بازۍ نه کولو هم هدايت وکړو.
Leave a Reply