افغاني سرې میاشتې ټولنې ۴۸ تنه د سوري زړه په ناروغۍ اخته ماشومان د درملني لپاره کابل کې روغتونونو ته ورپیژندلي.
13 سپتمبر چهارشنبه 2023
افغاني سرې میاشتې ټولنې له لورې په یوه تازه خپره شوې خبرپاڼه کې راغلي چې یادې ټولنې یو ځل بیا ۴۸ نور د سوري زړه په رنځ اخته ماشومان پلازمېنه کابل کې ۲ کورنیو روغتونونو ته د درملنې او عملیات په موخه وروپېژندل.
د یادو ناروغانو د درملنې او عملیات ټول لګښت د افغاني سرې میاشتې له لوري تادیه کېږي. دا مهال له افغاني سرې میاشتې سره شاوخوا ۱۲۰۰۰ نور د سوري زړه په ناروغۍ اخته ماشومان ثبت دي، چې عملیات ته انتظار کوي.
اړوند موضوعات
په تېرو شاوخوا ۱۴ میاشتو کې افغاني سرې میاشتې په یاده ناروغۍ اخته ۱۷۷۱ ماشومان په هېواد کې دننه بېلابېلو روغتونو ته د عملیات او درملنې لپاره ورپېژندلي، چې نېږدې ۱۵۰۰ یې روغ شوي او خپلو کورونو ته ستانه شوي. پاتې نور په روغتونونو کې تر درملنې لاندې دي.
Leave a Reply