د ایم کیو ایم پاکستان ډپټي کنوینر انیس قائمخاني وايي د حیدر آباد ښاروالۍ په اړه د پیپلز پارټۍ د چیئرمېن بلاول بهټو زرداري په بیان نړۍ خندلې ده.

باغي ټي وي رپورټ

بلاول بهټو زرداري تيره ورځ په حيدراباد کې يوې غونډې ته وينا کې وويل ټول پوهيږي چې په حيدر اباد کې ستونزې شته خو يواځې پيپلز پارټۍ کار کړى زه کثافات نۀ يم.

د پيپلز پارټۍ چيئرمېن دا هم اوويل چې د ايم کيو ايم په دور کښې په حيدراباد کښې د کثافاتو ډنډونه وو نو بيا په دې کثافاتو باندې خپل سياست کوي، تاسو زما لپاره دا پروپېګنډه ختمه کړه، زمونږ ځينې اتحادي او سياسي ګوندونه تښتي. د ټاکنو څخه د ایم کیو ایم غړي ویره لري، ښاروال لرې دی، دوی نشي کولی خپل دوه ښارونه وژغوري.

بلاول بهټو زرداري دا هم وويل چې زمونږ د بسونو او نورو بسونو کې فرق دى، مونږ کوم خيالي پُل نه دى جوړ کړى، مونږ غواړو چې خلکو ته د تګ راتګ اسانتياوې برابرې شي، ما وويل د ائيرکنډيشن بس د 50 روپو کرايه دې يقيني کړل شي. ذوالفقار علي بوټو د بس نظام پیل کړ خو ضیاالحق راغی او ختم یې کړ.

د بلاول بهټو زرداري د بيان په ځواب کې د ايم کيو ايم پاکستان ډپټي کنوينر انيس قائم خاني وويل د کراچۍ او حيدراباد ښاروالۍ په اړه د بلاول بهټو زرداري په بيان نړۍ خندا کوي.

انيس قائمخاني وويل داسې ښکاري چې بلاول بهټو زرداري ته دهغه دپلار لخوا نوې دنده سپارل شوې ده، دپيپلز پارټۍ دجوړيدو راهسې کراچۍ اؤ حيدر اباد تل پيپلز پارټۍ ته مسترد کړى دى.