د کراچۍ د ترهګرۍ ضد عدالت د پي ټي ائي مشر حليم عادل شيخ په جوډيشل ريمانډ جيل ته لېږلی دی.

باغی ټی وی رپورټ

د کراچۍ پوليسو د پوليس موبائل سوځولو کيس کښې د يو ورځنې جسماني ريمانډ پوره کولو نه پس حليم عادل شيخ په سخت سيکورټي کښې د ترهګرۍ ضد عدالت کښې وړاندې کړے دے۔

پوليس عدالت ته اوويل چي د حليم عادل او نورو ملزمانو خلاف د ټاؤن پوليس سټيشن کښي مقدمه درج کړے شوي ده۔

د پوليس تفتيش افسر عدالت ته د حليم عادل د نور جسماني ريمانډ غوښتنه وکړه، چې عدالت رد کړه او حليم عادل شيخ يې په جوډيشل ريمانډ جيل ته ولېږه.

له رسنیو سره د حلیم عادل خبرې

د عدالت نه بهر ميډيا نمائندګانو سره غيررسمي خبرو کښې حليم عادل اوويل چې پي ډي ايم نگران حکومت هم په مشکل کښې اچولې دې۔

ده ووئيل د اسمبلۍ په غونډه كښې وئيلي شوي وو چې خامو غلو ته به ورستو سزا وركړې شي، تر څو چې پاخه غله نه وي نيول شوي خام غله به نه نيول كېږي۔

په دې موقع حليم عادل په خپل ضد درج شوي مقدمې سياسي وبللې.

ياده دي وي چي تيره ورځ حليم عادل شيخ د نهم مئ په مقدمه کښي په ضمانت خوشي کړے شو ولي پوليسو هغه په ​​يو بل مقدمه کښي د عدالت نه بهر ګرفتار کړے دے۔