نگران حکومت د پټروليم مصنوعاتو کښي د زياتوالي نه پس د ليوي په اړه د آئي ايم ايف شرط پوره کړے دے۔

باغی ټی وی رپورټ

د سرچينو ترمخه په في ليټر پټرول پوره ليويز لگول شوي دي چې له دې وروستو په في ليټر پټرول 60 روپۍ ليوي لگول شوي دي.

د خزانې وزارت د سرچينو ترمخه په ډيزل هم 50 روپۍ ليوي لگول کيږي په داسې حال کې چې په دواړو محصولاتو ليوي 60 روپۍ في ليټر ته د زياتيدو توقع ده.

د مالیې وزارت سرچینې وايي چې په بجټ کې د لیوی د زیاتولو منظوري ورکړل شوې، د ۶۰ روپو نه د زیاتې مالیې لګولو لپاره د پارلېمان منظوري لازمي ده.

د يادونې وړ ده، چې تر دې وړاندې هم د سرپرست حکومت له لوري د نفتي توکو بيې لوړې شوې دي.

د خزانې وزارت د پټروليم مصنوعاتو په نرخونو کښې د زياتوالي نوټيفيکيشن جاري کړے دے چې پکښې د پټرولو په نرخ کښې 14 روپۍ 91 پيسې في ليټر او د ډيزلو په قيمت کښې 18 روپۍ 44 پيسې في ليټر زياتوالے راغلے دے.

د نوټيفيکيشن له مخې د پټرولو نوې بيه 305 روپۍ 36 پيسې في ليټر او د ډيزلو نوې قيمت 311 روپۍ 84 پيسې في ليټر ټاکل شوې ده.

د پاکستان په تاریخ کې د لومړي ځل لپاره د پټرولو او ډیزلو بیه د فی لیټر له ۳۰۰ روپیو پورته شوې ده.