افغانستان ته چین څخه له پاکستان لارې تجارتي هلې ځلې پیل کیدل یو لوی اقتصادي پرمختګ دې. ضیاالحق سرحدي

نصیب شاه شینواري

د فرنټیر کسټم ایجنټس ایسوسی ایشن (FCAA) مشر ضیاءالحق سرحدي د خنجراب له لارې افغانستان ته د چین د لومړي کارګو د رارسیدل هرکلی کړی او دا یې په سیمه کې د سوداګرۍ د زیاتوالي لپاره ښه نښه بللې ده.

په يو بيان کې د ايف سي اے اے صدر وئيلي چې دا په رښتيا د خوشحالۍ خبره ده چې د چين نه افغانستان ته مالونه د پاکستان له لارې تېرېدل شروع شوي دي چې ورسره به د ټرانسپورټ، د تېلو کاروبار، د مزدورانو روزګار او نورو برخو کې د خلکو لپاره د معيشت لوی فرصتونه هم رامنځته شي.

د يادونې وړ ده، چې د پاکستان ګمرک په دې وروستيو کې د ټرانسپورټ انټرنېشنل آکس روټيرز (TIR) ​​کنوانسيون له مخې د لومړي ځل لپاره له چين څخه افغانستان ته د کارګو د لېږد اسانتيا برابره کړې، چې د نړۍ د هېوادونو تر منځ د سوداګرۍ لپاره يوه اقتصادي لار برابروي ،د ګاړو یوه جوپه چې خپل سفر یې د چین له کاشغر څخه پیل کړی او د پاکستان له خنجراب لارې به د افغانستان پلازمېنې کابل ته ورسېږي.

تمه کیږي چې دا ترانزیتي لاره به د سفر وخت شاوخوا 70 سلنه کم کړي، او تمه کیږي چې د لوژستیکي لګښتونو څخه 30 سلنې ته کم کړي.

ضياء سرحدي وويل چې دا مهال د پاکستان او افغانستان تر منځ د دوه اړخيزه او ترانزيټي سوداګرۍ جريان ښه نه دى، خو په سوداګرۍ کې د چين د کارګو شاملول به په سيمه کې سوداګريز فعاليتونه ښه کړي، هغه زياته کړه چې د ګمرکونو د تصفيې د استازو يو زيات شمېر کارکوونکي دي.

ضیا سرحدي چې د پاک افغان سوداګرۍ او صنایعو د ګډې خونې (PAJCCI) د رییس په توګه هم دنده ترسره کوي، وویل چې افغانستان ته د چین له لوري د خپلو کارګو د لېږد لپاره د سلک روټ لار کارول د CPEC یوه لویه برخه ده چې دا به د چین لپاره هم ګټوره وي.

هغه د ټرانسپورټ نړیوال آکس روټیرز (TIR) ​​کنوانسیون لاندې د سوست پولې له لارې له چین څخه افغانستان ته د مالونو کلیرینس اسانتیا پیدا کولو لپاره د پاکستان کسټم چارواکو لخوا د هڅو ستاینه وکړه.

هغه هيله څرګنده کړه چې TIR د QTTA او نورو سيمه ييزو ترانزيت او سوداګرۍ ترتيبات لکه OBOR او CAREC کوریډورز به د پاکستان یو لوی د سوداګرۍ او ترانزيټ مهم مرکز جوړولو په لړ کښې مرسته وکړي.