د لاهور په ګلبرګ سیمه کې د یوه شاپنګ مال په چت کې پروت هوټل کې اور لګېدلی چې له امله یې ټول هوټل سوځېدلی دی.

باغي ټي وي رپورټ

د ریسکیو ویاند وینا ده چې اور لګیدلی هوټل د شاپنګ مال په چت کې پروت وو چرته چې اور لګیدلی دی.

د اور لګېدنې له امله د لوګي لوګي تر لرې لرې ليدل کېدل، په شاپنګ مال کې د وېرې له امله ټېل ماټېل رامنځته شو او د ګلبرګ په مرکزي بلوارډ باندې ټرافيک جام شو، د اور له امله هوټل په بشپړه توګه سوزېدلی دی.

خو د ژغورنې ډلې له دوو ساعتونو هلو ځلو وروسته اور تر کنټرول لاندې راوست او د اور له امله د مرګ ژوبلې راپور نه دی ورکړل شوی.

د پولیسو په وینا د اور لګیدنې د علت معلومولو لپاره پلټنې روانې دي.