د اسلام آباد نه پس د ټول ملک د پاسپورټ دفترونو نه هم د ای پاسپورټ جاري کول شروع شوي دي.

باغی ټي وي رپورټ

ياده دې وي چې په اسلام اباد کې د ۲۰۲۳م کال په جون کې عامو خلکو ته د ای پاسپورټ سهولت ورکړل شوی و.

د مهاجرینو او پاسپورتونو د ادارې د معلوماتو له مخې د ای پاسپورټ د ورکولو د فیس مهالویش هم خپور شوی دی.

د مهالوېش له مخې د ۳۶ پاڼو د ۵ کلن برېښنايي پاسپورټ عادي فیس ۹ زره روپۍ او د همدې شمېر پاڼو د عاجلې برېښنايي پاسپورټ فیس ۱۵ زره روپۍ ټاکل شوی دی.

د مهالوېش له مخې د 72 پاڼو د ای پاسپورټ عام فیس 16 زره 500 روپۍ او د عاجلو فیس 27 زره روپۍ دی.

د 10 کلن پاسپورټ لپاره چې 36 پاڼې لري عادي فیس 13,500 روپۍ ټاکل شوي.

د 10 کلن پاسپورټ عاجل فیس 36 مخونه 22 زره 500 روپۍ دي.

د 72 پاڼو 10 کلن پاسپورټ لپاره نورمال فیس 24,750 روپۍ دی، پداسې حال کې چې د بیړني پاسپورټ فیس 40,500 روپۍ دی.

د مهالویش له مخې د پاسپورټ عادي فیس به د پخوا په څیر پاتې وي، په داسې حال کې چې د فیس شیډول د اګست له 16 څخه نافذ شوی دی.