د دیارلس کلن ارسلان نسیم پلار چې په لاهور کې د می د نهمې نیټې په پیښو کې په لاس لرلو تورن و، د هغه د نیولو لپاره د عملیاتو په ترڅ کې مړ شو.

باغی ټي وي رپورټ

په دې اړه د جيو نيوز پروګرام کيپيټل ټاک کې خبرو کې د پي ټي ائي کور کميټۍ غړي شعيب شاهين وويل د ارسلان نسيم وکيل رانا انتظار حسين وئيلي دي چې ارسلان نسيم پخوا په هيڅ مقدمه کې ککړ نه ؤ او اوس آئي جي اپريشنز د ارسلان نسيم په بل مقدمه کې نوم ورکړی دی .

شعیب شاهین زیاته کړه چې که د لاهور ډی آئی جی اپریشنز ناصر رضوی د ارسلان نسیم خلاف کوم ثبوت نه لری نو د ارسلان د پلار د قتل مقدمه دې پرې چلولې شی.

بل خوا د تورونو له ثابتېدو وروسته د ډي آئي جي په مشرۍ د پلټنو کمېټۍ جوړه شوې ده.

ډي آئي جي عمران کشور وئيلي دي چې دوي د ټولو تورونو پلټنې کوي، د نهم مئ په پيښه کې د ارسلان د عسکري ټاور موجوديت ثبوتونه دي او د ارسلان عمر 13 نه بلکې 20 کاله دی.

ډي آئي جي زياته کړه چي د ولادت سرټيفيکيټ موندلي شوي دي، ارسلان د 13 کالو سرټيفيکيټ هم جعلى کړے دے۔

بلخوا د مسلم ليګ (ن) مشر محسن شاه نواز رانجها هم د ارسلان نسيم په کور د چاپې غندنه کړې ده.