باغی ټي وي رپورټ
د سرچينو له مخې د نگران کابينې لپاره تقريباً ټول نومونه فائنل شوي دي اؤ اوس يواځې وروستى صلاح مشورې روانې دي چې له هغې وروستو به نن د نگران کابينې اعلان کولى شي.
سرچينې وائي نن به نگران کابينه نهايي کيږي او امکان دى چې سبا به دکابينې غړي سوګند کوي.
د سرچينو له مخې داطلاعاتو وزارت په نگران کابينه کې دمحمد علي دراني نوم شامل نۀ دى، خو امکان دى چې داطلاعاتو وزارت دفاعي چارو کارپوه سيد محمد علي ته ورکړل شي.
سرچينه وايي، په پام کې ده چې په سرپرسته کابينه کې د بهرنيو چارو وزارت مسووليت پخواني ډيپلوماټ جليل عباس جيلاني ته وسپارل شي، چې په امريکا کې د پاکستان پخوانى سفير هم پاتې شوى دى.
سرچینه زیاتوي، چې د مالیې د سرپرست وزیر لپاره د سلطان علي الانا نوم نهايي شوی و، خو د دوه ګوني تابعیت له امله د مالیې سرپرست وزیر لپاره دوه نور نومونه په پام کې نیول شوي، چې یو یې د مالیې د سرپرست په توګه ټاکل شوی دی.
دسرچينو ترمخه دخزانې دوزير لپاره دخزانې پخواني وزير حفيظ شيخ اؤ دسټيټ بينک پخواني گورنر رضا باقر نومونه نۀ دي غورزول شوي.
سرچينې وائي چې دکورنيو چارو دوزير لپاره دسرفراز بګټي نوم ډير مخې ته راځي چې يو علت يې دکورنيو چارو پخوانى وزير دى.
Leave a Reply