داخله وزير رانا ثناء الله وئيلي دي چې د حفيظ شيخ پشمول د نگران وزيراعظم لپاره سلا مشورې روانې دي خو تر اوسه د كوم نوم فائنل نه دې شوې ځكه چې ۲۰۲۳م د انتخاباتو كال نه دې۔

باغي ټي وي رپورټ

د جيو نيوز پروګرام جيو پاکستان سره په خبرو کې رانا ثناء الله وويل په آئين کې ليکل شوي دي چې په ۲۰۱۷م کال کې د مردم شمارۍ نه پس بل انتخابات نه شي کيدلی، حلقه بندۍ به د ضرورت پوره کولو سره کيږي، حلقه بندۍ د څو مياشتو نه بلکې ۱۲۰ ورځې وخت نيسي. .

هغه وويل چې ټاکنې به نه ځنډول کيږي او نګران حکومت به دا باوري کوي چې ټاکنې په خپل وخت ترسره کيږي، په داسې حال کې چې د نګران وزيراعظم لپاره د حفيظ شيخ يا نورو نومونو په اړه خبرې اترې روانې دي، تر اوسه د کوم نوم نه دی خلاص شوی. نوم ممکن نن ماښام یا سبا اعلان شي.

د کورنیو چارو وزیر وویل، له ترهګرو سره د خبرو نه کولو پالیسي د نننۍ نه ده، بلکې پخوا هم له ترهګرو سره مذاکراتو کومه هیله بخښونکې نتیجه نه ده ورکړې، په یوه ولایت کې د امن او امان وضعیت داسې دی چې باید ورته زیاته پاملرنه وشي.

رانا ثناءالله زیاته کړه چې څلور یا پنځه ورځې وړاندې د جے یو آئی په جلسه کې چاودنه شوې وه چې له امله یې ډیر زیان اوښتی وو، دا کارونه به روان وي خو د دې له امله به انتخابات نه کیږي.

هغه وويل دپوځ سرلښکر بيان سخت نۀ دى، دا دحالاتو په اساس سم ځواب دى اؤ ټول ملت دآرمي چيف ځواب سره ولاړ دى، کوم څه چې خلک کوي هغه په ​​هيڅ صورت نۀ شي زغملى، پوځ ورځ په ورځ عمليات کوي. د ترهګرۍ ضد جګړه کې ورځ تر بلې قربانۍ هم ورکوي، ترهګري به په هېڅ صورت ونه زغمل شي.

د کورنیو چارو له وزیر رانا ثناالله نه پوښتنه وشوه چې ایا ۲۰۲۳ کال د ټاکنو کال دی؟ دې ته یې ځواب ورکړ چې هو، مستقیم ځواب نه دی.