د بادغيس ولايت اوسېدونکي وايي چې د دې ولايت په بازارنو کې د زړو پيسو ډېرښت خلکو ته جدي سرخوږی جوړ کړی.
د دوی په وينا، دغو زړو پیسو د خلکو په پولي راکړې ورکړې کې ستونزې رامنځته کړي دي. دوی وايي هيله مو ده چې اړوند بنسټونه د دې ستونزې هوارېدو لپاره کې کوټلي ګامونه واخلي.
د بادغيس اوسېدونکي زياتوي چې، د ۱۰، ۵۰ او ۱۰۰ افغانيو بانک نوټونه له حده وتلي زاړه شوي او ورځنۍ راکړې ورکړې يې کم رنګه کړي دي.
د افغانستان په بازارونو کې د افغاني بانک نوټونو زړښت څه نوې موضوع نه ده، د کابل په ګډون د هېواد بېلابېلو لویو ښارونو اوسېدونکي د افغاني بانک نوټونو له زړښته نيوکې لري او له اړوندو بنسټونو غواړي چې دې ستونزې ته د پای ټکی کېږدي.
Leave a Reply