اسلام آباد هایی کورټ د مسجد نبوي د سپکاوي په مقدمه کښې د پي ټي آیی د مشرانو د غیر ضروري نه ځورولو لارښوونه کړې ده
باغی ټي وي رپورټ
د اسلام اباد هائي کورټ د مسجد نبوي د پېښې په اړه د شيخ رشيد، فواد چوهدري او د پي ټي آئي د نورو مشرانو په ضد مقدمو کښې درخواست کوونکو ته د غير ضروري نه ځورولو لارښوونه کړې ده.
د اسلام اباد هائي کورټ چيف جسټس اطهر من الله د کيسونو په ضد د درخواستونو اورېدنه کړې، درخواست کونکی او پخوانې وفاقي وزير شېخ رشيد هم اسلام آباد هائي کورټ کښې حاضر شوي۔
د قومي اسمبلۍ پخواني سپيکر اسد قيصر وکيل وويل د مې په ۲۵مه د ازادۍ مارچ په ورځ په ټول ملک کې مقدمې درج شوې وې، مونږ د دې ټولو کيسونو ريکارډ هم غواړو.
وکیل شیخ رشید ویلي چې دده د موکل په کور څو ځله چاپه وهل شوې ده.د اسلام اباد هائي کورټ چيف جسټس اطهر من الله وويل دغه محکمه يواځې د اسلام اباد تر حده پورې حکمونه ورکولى شي.
چيف جسټس پوليسو ته هدايات کړي چې غير ضروري ځورونه دې نه کوي، هغه څه دې نه کوي چې تل يې کړي دي، بې دليله د خلکو پرضد مقدمې درج کول ښه کار نه دی.
عدالت په داسې حال کې چې د درخواست کوونکو په ضد درج شوي مقدمو تفصيلات وړاندې کولو امر وکړو او ويې ويل چې د کورنيو چارو سيکرټري ته د رپورټ جمع کولو اخري موقع ورکوي.
عدالت د مقدمې اورېدنه د ستمبر تر ۲۳مې نېټې پورې وځنډوله.
نور خبرونه
بلوچستان، کویټه کښې د وړو بحران سر را راوچت کړې دې، د وړو نرخونه زیات شوي دي
Leave a reply
