پولیس انترپول غنی، محب و فضلی را به اتهام دزدی بیت‌المال بازداشت کند

محمدظاهر اغبر، سفیر افغانستان در دوشنبه، روز چهارشنبه، بیست‌وهفتم اسد، با برگزاری نشستی اعلام کرده است که براساس قانون اساسی کشور در نبود، فرار یا مرگ رییس جمهور،  معاون اول عهده‌دار امور مملکت می‌شود که در حال حاضر امرالله صالح، سرپرست رسمی مقام ریاست جمهوری است.

سفیر افغانستان در دوشنبه تأکید کرده است که جهان باید بداند که نماینده رسمی افغانستان در سازمان ملل متحد برحال و پرچم کشور به عنوان هویت ملی در تمام کشورهای جهان در اهتزاز است. این سفارت از تمام نماینده‌گی‌های سیاسی جمهوری اسلامی افغانستان خواسته است که پرچم ملی را هم‌چنان در اهتزاز نگه دارند.

سفارت افغانستان، تصویر محمداشرف غنی را پایین و عکس امرالله صالح و امان‌الله خان را نصب کرده است.