د بني ګاله مخې ته د استاذانو احتجاجي پرلت دوام لري

باغی ټي وي رپورټ
د خېبرپښتونخوا استاذانو په دويمه ورځ هم د اسلام اباد کښې د عمران خان په بني ګاله کښې د کور مخې ته احتجاجي پرلت ته دوام ورکړې دې.
مظاهره کوونکو د پی ټي آئي د مشرې شيرين مزاري، اعجاز چوهدري او اسد عمر ګاړو لارې هم بندې کړې وې.
استادانو د پاکستان تحریک انصاف پر ضد شعارونه ورکول چې وروسته د مزاري موټر له بني ګاله روان شو.

اسد عمر مظاهره کوونکو ته ډاډ ورکړ چې د دوی د مشروع غوښتنو ملاتړ به کوي، خو مظاهره چیانو اعلان وکړ چې تر څو یې غوښتنې نه وي منل شوې خپلو مظاهرو ته به دوام ورکړي.

ښوونکو د دایمي دندو ترڅنګ د تنخواګانو د کلنيز زیاتوالي غوښتنه هم کړې ده. دا خبره هم مهمه ده چې پرون د اتوار په ورځ عمران خان هم په ملک کښې د ګرانۍ په ضد د احتجاج کولو اعلان کړې دې او پرون د هیواد په بیلا بیلو سیمو او قبایلي علاقو کښې هم د عمران خان په امر احتجاجونه وشو او د حکومت په ضد نعرې اووهل شوې چې دا حکومت عوامو ته په ریلیف ورکولو کښې ناکامه شوې ده.

دا خبرونه هم اولولۍ