د افغانستان اسلامي امارت افغان ملي کرکټ ټیم ته مبارکي ورکړې
باغي ټي وي رپورټ
د افغانستان اسلامی امارت مرکزي ویاند ذبیح الله مجاهد په یو بیان کښې ویلي دي چې د افغانستان د کرکټ ملی لوبډلې غړي زمونږ اتلان دي او هیله لرو چې د افغانستان او افغان اولس له به نورې بریاوې هم لاس ته راوړي.
په خپل ټویټر پانړه د اسلامی امارت مرکزي ویاند وایی چې په عرب اماراتو کښې په ۲۰ اووریز نړیوال کرکټ جام ۲۰۲۱ کښې د اولنې بریا لپاره ټول افغان اولس ته مبارکی وایم او د افغان لوبډلې بریا ستایو، مجاهد زیاتوي چې د افغان کرکټ ټیم لپاره د نورو بریاوو هیله لرو چې دوی به نورې بریاوې لاس ته راوړي.
یاده دې وي چې بیګا د دوبي په نړیوال د کرکټ میدان کښې د افغانستان ملی کرکټ ټیم په ۲۰ اووریز نړیوال کرکټ جام ۲۰۲۱ کښې په خپل اولني کرکټ لوبه کښې سکاټ لینډ ټیم ته په ۱۳۰ منډو ماتي ورکړه او خپل اولنې میچ ی په ډیر زیات توپیر وګټلو.
د نړیوال جام په روانو شل اوریزو سیالیو کې د افغان لوبډلې د بریا له امله ټولو هیوادوالو ته مبارکي وایو.
د یادې لوبډلې اتلولي ستایو او په راتلونکې د نورو بریاوو هیله ورته کوو.— Zabihullah (..ذبـــــیح الله م ) (@Zabehulah_M33) October 25, 2021
…………………………………..
د پاکستان وزیر اعظم عمران خان هم د افغانستان قامي د کرکټ لوبډلې ته په دې لویه بریا او د سکاټ لینډ نه میچ په لوی توپیر ګټلو لپاره افغان ټیم او اولس ته مبارک ورکړي. عمران خان په ټویټر پانړه لیکلي چې د دومره ستونزو او مشکلاتو پرته افغان کرکټ ټیم لوبغاړو د لوړې حوصلې او تکړه توب مظاهر وکړه او زه ورته په دې لویه بریا مبارکی وړاندې کوم.
سکاٹ لینڈ کیخلاف واضح فتح حاصل کرنے پر افغان کرکٹ ٹیم کو مبارکباد پیش کرتا ہوں۔ اپنے وطن کو درپیش تمام تر مصائب و مشکلات کے باوجود کھیل کا حصہ بننے اور جیت اپنے نام کرنے کیلئے افغان ٹیم نے غیرمعمولی عزم و ہمت کا مظاہرہ کیا۔
— Imran Khan (@ImranKhanPTI) October 25, 2021
……………………………………
…………………………………..
…………………………………..
Leave a reply
