هدایت الله بدري وایي د افغاني بانک نوټونو د چاپ نوي تړونونه یې کړي او په لوړ کیفیت به چاپ شي.

هدایت الله بدري وایي د افغاني بانک نوټونو د چاپ نوي تړونونه یې کړي او په لوړ کیفیت به چاپ شي.

13 جون سه شنبه 2023

د افغانستان بانک عمومي رئیس هدایت الله بدري ویلي چې له نړیوالو کمپنیو سره یې د افغاني بانک‌نوټونو د چاپ نوي تړونونه کړي، چې په لوړ کیفیت به چاپ شي.

نوموړي د ریاست الوزرا له سیاسي مرستیال مولوي عبدالکبیر سره په کتنه کې ویلي چې اوس مهال په بازارونو کې د زړو بانک‌نوټونو ستونزې هم هوارې شوې دي.

د هغه په خبره، د افغانیو د ارزښت ساتنې لپاره یې مهم ګامونه اخیستي دي.

له ارګ څخه په خپره شوې خبرپاڼه کې راغلي چې په دې لیدنه کې مولوي عبدالکبیر هم د افغانیو د ارزښت په ساتلو ټینګار کړی او ویلي یې دي چې پولي سیاستونه باید په تخصصي ډول له معیارونو سره سم مخکې لاړ شي.

اړوند موضوعات

د افغانستان بانک او یوۀ فرانسوي شرکت تر منځ د قرارداد له مخې به ۱۰ میلیارده نوي د افغانیو بانک نوټونه چاپ شي   

نوموړي په هېواد کې د اسلامي بانکدارۍ پر ودې او پراختیا هم ټینګار کړی. ترې دې وړاندې ګڼ شمېر هېوادوالو د زړو بانکنوټونو له کبله شکایتونه کړي.