ذبیح الله مجاهد تازه ویلي چې اسلامي امارت تر اوسه ۱۴ هیوادونو ته خپل دیپلوماتان لیږلي.
ذبیح الله مجاهد تازه ویلي چې اسلامي امارت تر اوسه ۱۴ هیوادونو ته خپل دیپلوماتان لیږلي.
26 مارچ یکشنبه 2023
شفقنا افغانستان ویبپاڼې په یو تازه مطلب کې د اسلامي امارت د ویاند له قوله ویلي، چې ګڼو بهرنیو هېوادونو ته یې خپل دیپلوماتان لیږلي.
مطلب زیاته کړې، چې: اوسمهال په ۱۴ هېوادونو کې د نوي حکومت (اسلامي امارت) دیپلوماتان سفارتونه او کونسلګرۍ په لاس کې لري.
ویبپاڼې د اسلامي امارت د ویاند ذبیح الله مجاهد له خولې ویلي، چې: «تر اوسه یې ۱۴ هېوادونو ته خپل دیپلوماتان لیږلي او هلې ځلې کیږي چې نور سفارتونه هم موږ ته وسپارل شي.»
ښاغلي مجاهد زیاته کړې: که له یوې خوا بهرنیو هېوادونو ته نوي دیپلوماتان لېږل کیږي؛ نو بل لور ته په ځينو سیاسي نمایندګیو کې پخواني کارمندان هم د اسلامي امارت له قوانینو او د بهرنیو چارو وزارت له همغږۍ سره خپلې چارې پر مخ وړي.
شفقنا ویبپاڼه همداراز لیکي: اوسمهال په ایران، ترکیې، پاکستان، متحده عربی اماراتو، روسیې، چین، قزاقستان او یو شمېر نورو هېوادونو کې افغان دیپلوماتان ځای پر ځای شوي.
اړوند موضوعات
د بهرنیو چارو وزارت یو پلاوي د تاجکستان په خاروخ کې د افغانستان له قونسلګرۍ لیدنه ترسره کړی.
ویبپاڼه زیاتوي: داسې ښکاري چې د بهرنیو چارو وزیر (امیر خان متقي) له نړۍ سره د یو نوی تعامل په لټه کې دی؛ ځکه خو یې په دې وروستیو کې د بهرنیو هېوادونو له ګڼو استازو سره لیدلي دي.
Leave a reply
