د اسلامي امارت اداري کمیسیون غونډه کې بیلابیلو موضوعاتو سربیره د ۱۴۰۲ کال پر بودجه هم اړخیز بحث ترسره شوی.
د اسلامي امارت اداري کمیسیون غونډه کې بیلابیلو موضوعاتو سربیره د ۱۴۰۲ کال پر بودجه هم اړخیز بحث ترسره شوی.
17 مارچ جمعه 2023
د افغانستان اسلامي امارت د رياست الوزرا د دفتر څخه په یوه تازه خپره شوې خبرپاڼه کې راغلي چې د یاد ریاست د اداري مرستيال مولوي عبدالسلام حنفي په مشرۍ د اداري کمېسيون غونډه تیره ورځ ترسره شوه.
خبرپاڼه زیاتوي چې په دې غونډه کې چې د کمېسيون د اجنډا پر موضوعاتو او همداراز؛ د عامې روغتيا او لوړو زده کړو وزارتونو او د افغانستان طبي شورا ترمنځ د همغږۍ کمېټې پر جوړولو هر اړخیز بحثونه ترسره شول.
همدا راز د ترانسپورټ او هوايي چلند محترم وزارت د هوايي ډګرونو اړتيا وړ تشکيلاتو، د کابل ښاروالۍ د خريدارۍ لپاره د پولي صلاحيت پر موضوعاتو هم بحث ترسره او لازم تصامیم ونیول شول.
اړوند موضوعات
د اسلامي امارت اداري کمیسیون غونډه کې د جمهوریت روغتون پر فعالولو او نورو مهمو مسایلو بحث ترسره شوی.
همداراز د پخوانيو بحثونو او موضوعاتو په دوام د ۱۴۰۲ مالي کال په انکشافي بودجه کې د ترميماتو او څارنې او ساتنې لګښتونو شاملولو، د تدارکاتي، ګمارنو او عوايدو ټولولو چارو او خدمتونو وړاندې کولو لپاره د تدارکاتي کمېټو جوړولو او د جمهوريت روغتون پر اصلاحاتو هر اړخيز بحثونه وشول او په پای کې لازم تصميمونه ونيول شول.