کابل ښار یو کس د لمانځه پر مهال د یوې کورنۍ پنځه غړي وژلي دي    

کابل ښار یو کس د لمانځه پر مهال د یوې کورنۍ پنځه غړي وژلي دي  

په دې وروستیو کې په کابل کې دا ډول پېښې زیاتې شوي دي. شاوخوا یوه اونۍ وړاندې د کابل ښار په کارته نو سیمه کې د ابوبکر صادق پر جومات ناپېژاندو وسله والو برید وکړ، چې له امله یې مبلغ او یو لمونځ کوونکی ووژل شو.

(2022 / 11 / 23   نېټه باغي ټلویزیون)

بشپړ راپور 

د ا.ا. د حکومت امنیتي چارواکي خبر ورکوي، چې نامعلومو وسله والو د کابل ښار په یوه جومات کې د لمانځه پر مهال د یوې کورنۍ پر غړو برید کړی، چې په پایله کې یې پنځه تنه وژل شوي او یو بل ټپي دی.

د کابل د امنیه قومندانۍ ویاند خالد ځدراڼ وايي، دغه پېښه نن چهارشنبه د قوس په دویمه د کابل ښار د نهمې امنیتي حوزې اړوند د حضرت بلال په نوم په جومات کې شوې ده.

هغه زياته کړه، چې بريدګر د ټوپک په وسيله د يوې کورنۍ پنځه غړي وژلي او يو بل يې ټپي کړى دى. ښاغلي ځدراڼ وويل، چې د لومړنيو څېړنو پر بنسټ دغه پېښه د شخصي دښمنۍ له امله رامنځته شوې او د بريدګر د موندلو او نيولو لپاره د دوى د امنيتي ځواکونو هڅې دوام لري.

ځايي سرچينې وايي، دغه وسله وال بريد نن سهار د لمانځه پر مهال شوى دى. د دغو سرچینو په وینا، په دې برید کې درې عبادت کوونکي وژل شوي او څو نور ټپیان شوي دي. د سرچينې د معلوماتو له مخې، بريدګر مخکې له مخکې خپل کور خالي کړى و او د بريد له سيمې تښتېدلى دى.

اړوند موضوعات:

خیبر پښتونخوا او قبایلي سیمو کښې بیا ناامني زیاته شوې، ترهګریز بریدونه او هدفي وژنې هم زیاتې شوي دي

په دې وروستیو کې په کابل کې دا ډول پېښې زیاتې شوي دي. شاوخوا یوه اونۍ وړاندې د کابل ښار په کارته نو سیمه کې د ابوبکر صادق پر جومات ناپېژاندو وسله والو برید وکړ، چې له امله یې مبلغ او یو لمونځ کوونکی ووژل شو.