ډاکټر عبدالواسع: علمي کادرونه باید اسلامي او فرهنګي فکر په پام کې نیولو سره د راتلونکي نسل ذهنیت جوړولو په برخه کې هڅې وکړي.

ډاکټر عبدالواسع: علمي کادرونه باید اسلامي او فرهنګي فکر په پام کې نیولو سره د راتلونکي نسل ذهنیت جوړولو په برخه کې هڅې وکړي.

22 اکتوبر 2022

د اسلامي امارت د ریاست الوزراء لوړ مقام د دفتر عمومي رئیس ډاکټر ملا عبدالواسع نن ورځ د خصوصي پوهنتونونو او لوړو زده کړو مؤسسو د استادانو، مسؤلینو او نورو اړوندو کسانو سره په چهارچنار ماڼۍ کې وکتل.

نوموړي په خپلو خبرو کې د انګریزانو، شوروي پوځونو او تېرو شلو کلونو کې د تېري، وحشت او بربریت یادونه وکړه او هغه یې د نظام په بېلابېلو برخو کې د بدبختۍ او فساد د بنسټیزه کېدو لامل وبلل.

نوموړي زیاته کړه، افغانستان د دیني او عصري علومو په برخه کې د سید جمال الدین افغان، ابو علي سینا بلخي او ابونصر فارابي په څېر علما او پوهان درلودل او اوس هم زیات علمي کادرونه لري چې د هغوی د هڅو او خدمتونو ستاینه کوو.

ریاست الوزرا دفتر عمومي رئیس زیاته کړه، په تېرو شلو کلونو کې پوهنتونونه، مدرسې، جوماتونه او نور علمي او څېړنیز بنسټونه وران شوي یا یې زیان لیدلی او منفي ذهنیت ترویج او اسلامي ارزښتونه له پامه غورځول شوي دي.

اړوند موضوعات

د ریاست الوزراء د دفتر رئیس نن د خصوصي پوهنتونونو او لوړو زده کړو مؤسسو غړو سره وکتل.

ډاکټر ملا عبدالواسع د هیواد له علمي کادرونو وغوښتل چې اسلامي او فرهنګي ارزښتونو ته په پام د راتلونکي نسل ذهنیت جوړولو په برخه کې هڅې وکړي او د پوهنتونونو او خصوصي لوړو زده کړو مؤسسو ټولنې مسوولینو څخه یې وغوښتل چې خپلې ستونزې په کتبي ډول اړوندو مسوولینو ته وسپاري.