د هرات ولایت والي یاد ولایت کې د سره صلیب د دفتر له مسؤل سره د زلزله ځپلو سره د مرستو په پار لیدلي.
د هرات ولایت والي یاد ولایت کې د سره صلیب د دفتر له مسؤل سره د زلزله ځپلو سره د مرستو په پار لیدلي.
25 اکتوبر چهارشنبه 2023
د هرات ولایت د رسنیو دفتر له لورې په یوه تازه خپره شوې خبرپاڼه کې راغلي چې د یاد ولایت والي شیخ نور احمد اسلام جار د بهرنیو اړیکو استازولۍ رئیس په شتون کې د یاد ولایت د سره صلیب دفتر رئیس جان پاتریک ناوتون سره لیدنه وکړه.
خبر زیاتوي چې د سره صلیب دفتر رئیس په دغه لیدنه کې د زلزلو شپو او ورځو کې خپل کړنې د هرات والي سره شریکې کړې او ډاډ یې ورکړ چې سره صلیب د سرې میاشتې سره په همکارۍ زلزله ځپلو سیمو ته مرستې رسولې او ژمنه یې وکړه چې د سیمه ایزې ادارې سره هر ډول همکارۍ ته چمتو دي.
بلخوا د هرات والي د چوپړونو رسولو برخو کې د سره صلیب همکاریو څخه د قدردانۍ ترڅنګ یې ټینګار وکړ چې باید بشري مرستې پر وخت اړمنو ته ورسېږي.
اړوند موضوعات
د هرات والي همداراز له ټولو مرستندویو موسسو او بنسټونو وغوښتل چې د سیمه ایزې ادارې سره په همغږۍ زیانمن شوو ځایونو ته مرستې ورسوي.
Leave a reply
