د المپیک ملي کمیټې سرپرست د افغانستان لپاره د سره صلیب نړیوالې کمیټې له رئیس سره کتلي.
د المپیک ملي کمیټې سرپرست د افغانستان لپاره د سره صلیب نړیوالې کمیټې له رئیس سره کتلي.
30 جولاي یکشنبه 2023
د افغانستان د المپیک ملي کميټې او سپورت عمومي ریاست له لورې په یوه تازه خپره شوې خبرپاڼه کې راغلي چې د یادې کمیټې عمومي رئیس مولوي عبدالودود حقاني د افغانستان لپاره د سره صلیب نړیوالې کمېټې له رئیس البیرټ کایو سره وکتل.
ښاغلي حقاني له معلولو افغانانو او په ځانګړې توګه له ویلچر باسکېټبال ورزشکارانو سره د افغانستان لپاره د سره صلیب نړیوالې کمېټې مرستې او همکارۍ د ستاینې او درناوي وړ وبللې او له هغوی څخه یې مننه وکړه.
د افغانستان لپاره د نړیوال سره صلیب رئیس د ویلچر باسکېټبال له معلولو ورزشکارانو سره د هر راز مرستې ژمنه وکړه او د هغه په ټکو، له څو لسیزو یې له دوی سره په افغانستان کې کار کړی.
د سره صلیب نړیواله کمېټه د افغانستان د ویلچر باسکېټبال د ملي لوبډلې مالي او لوژستیکي ملاتړ کوي او په نړیوالو سیالیو کې یې د لوبېدو امکانات برابروي.
په تېره می میاشت کې د ویلچر باسکېټبال ملي لوبډلې په ټایلنډ کې اسیایي سیالیو ته د لار موندنې په سیالیو کې د سره صلیب نړیوالې کمېټې په مالي او لوژستيکي مرسته ګډون وکړ او په پایله کې یې دویم مقام ترلاسه کړ.
اړوند موضوعات
په پای کې المپیک ملي کمیټې او سپورت رئیس عبدالودود حقاني د افغانستان لپاره د سره صلیب نړیوالې کمېټې رئیس ښاغلي البېرټ کایو ته یوه افغاني اوبدل شوې غالۍ ډالۍ کړه او د ښاغلي البېرټ کایو په غوښنه یې د سرې میاشتې له دفترونو او کار ځایونو څخه لیدنه وکړه.
Leave a reply
