ناټو د افغانستان پۀ تړاو بلجیم کې غونډه جوړوي 

ناټو د افغانستان پۀ تړاو بلجیم کې غونډه جوړوي 

د ناټو عمومي منشي ینس سټولټنبرګ ویلي، چې په دې غونډه کې افغانستان د اجنډا مهمه موضوع ده. د راپورونو له مخې، په دې غونډه کې به په هغو مواردو هم خبرې وشي چې نړیوال په افغانستان کې د ترهګرۍ د بیا نه غوړېدو ډاډ ترلاسه کړي.

(2021 / 10  / 21  نېټه باغي ټلویزیون) 

بشپړ راپور 

د بلجیم په پلازمېنه بروکسل کې نن او سبا د افغانستان په اړه د ناټو دفاع وزیرانو غونډه جوړېږي.

د ناټو عمومي منشي ینس سټولټنبرګ ویلي، چې په دې غونډه کې افغانستان د اجنډا مهمه موضوع ده. د راپورونو له مخې، په دې غونډه کې به په هغو مواردو هم خبرې وشي چې نړیوال په افغانستان کې د ترهګرۍ د بیا نه غوړېدو ډاډ ترلاسه کړي.

ښاغلي سټولټنبرګ ویلي:

” موږ به په هغو موضوعاتو خبرې وکړو، چې ډاډه شو چې افغانستان د ترهګرو په پناه ځای نه بدلېږي. دغه راز طالبان به موږ ته حساب راکوي چې د ترورېزم، بشري حقونو او له افغانستانه په خوندي ډول د خلکو د ایستلو په برخو کې خپلې ژمني عملي کړي.”

اړوند موضوعات: 

ناټو: د افغانستان په اړه پر نوو پلانونو خبرې روانې دي

ټاکل شوې په دې غونډه کې به د داعش د ځپلو په اړه هم غونډه جوړه شي.

دا پۀ داسې حال کې ده چې وړمه ورځ روسیې او راتلونکو ورځو کې به هند او ایران هم د افغانستان پۀ اړه نړیوالې غونډې راوبلي.