د بهرنیو چارو سرپرست وزیر د ازبکستان د ولسمشر ځانګړي استازي او مل پلاوي سره پر دوه اړخیزو اړیکو خبرې کړي.
د بهرنیو چارو سرپرست وزیر د ازبکستان د ولسمشر ځانګړي استازي او مل پلاوي سره پر دوه اړخیزو اړیکو خبرې کړي.
22 مارچ چهارشنبه 2023
د افغانستان اسلامي امارت د بهرنیو چارو وزارت له لورې په یوه تازه خپره شوې خبرپاڼه کې راغلي چې نن له غرمې وروسته په بهرني سیاست کې د ازبکستان د ولسمشر ځانګړي استازي او د بهرنیو چارو پخواني وزیر عبدالعزیز کاملوف او مل پلاوي يې د اسلامي امارت د بهرنیو چارو له وزیر مولوي امیر خان متقي سره وکتل.
په دې ناسته کې د دواړو هېوادونو ترمنځ په سیاسي، تجارتي، اقتصادي او زراعتي مسایلو هراړخیزې خبرې وشوې.
په سر کې د بهرنیو چارو وزیر په نړیوالو فورمونو کې د افغانستان اسلامي امارت په تړاو د ازبکستان له مثبتو دریځونو څخه مننه وکړه او هیله یې څرګنده کړه چې دواړه هېوادونه د دوو اړخیزو اړیکو له لارې مشترکو مسایلو ته حل لارې وپلټي.
مولوي امیر خان متقي په افغانستان کې وروستیو پرمختګونو ته په اشارې وویل، چې د دواړو هېوادونو لپاره په ګڼو برخو کې ښه فرصتونه رامنځ ته شوي دي. همدا راز نوموړي ټینګار وکړ چې د افغانستان او ازبکستان ترمنځ په ګڼو کچو سیاسي اړیکې وده وکړي.
د بهرنیو چارو وزیر همداراز هیله څرګنده کړه چې په منځنۍ اسیا کې د افغانستان په تړاو ناستو کې د افغان حکومت د استازو حضور د دغه ډول ناستو اهمیت لا زیاتوي.
اړوند موضوعات
د ازبکستان د پلاوي مشر وویل، چې د ازبکستان د ولسمشر شوکت میرضیایوف په امر افغانستان ته راغلی تر څو د دواړو هېوادونو ترمنځ د دوو اړخیزو اړیکو، تجارت او زراعت په برخو کې خبرې اترې وکړي.
ښاغلي کاملوف وویل چې هېواد یې چمتو دی چې د کرنې او اوبو د مدیریت په اړه د خپلو متخصصینو تخنیکي مشورې له افغان لوري سره شریکې کړي، او د دوه اړخيز تجارت کچه يو مليارد ډالرو ته پورته کړي.
دواړو لوریو هوکړه وکړه چي په بېلابېلو کاري برخو کې د دواړو هېوادونو د متخصصینو مشترک پلاوي تعین شي تر څو په اړونده برخو کې د دواړو هېوادونو ترمنځ فرصتونو په اړه مسلسل بحثونه ولري.
Leave a reply
