د پاکستان پخواني چيف جسټس (ر) ثاقب نثار وئيلي دي چې عمران خان په ملاقات کښې ترې د نيب د کيسونو په اړه د لارښوونو غوښتنه کړې وه چې هغه رد کړې وه

باغي وی رپورټ
اسلام آباد: د پاکستان پخواني چيف جسټس (ر) ثاقب نثار وئيلي دي چې عمران خان په ملاقات کښې ترې د نيب د کيسونو په اړه د لارښوونو غوښتنه کړې وه چې هغه رد کړې وه.

د يو شخصي ټي وي خبريال ثاقب نثار سره خبرو کې ثاقب نثار وويل چې زما له اوسنيو قاضيانو سره هيڅ رابطه نشته، له عمران خان سره مې دوه ملاقاتونه شوي چې لومړۍ يې د هغه د وزيراعظمۍ پر مهال او دوهمه يې وروسته وه، په لومړۍ ناسته کې عمران خان وويل. دا چې د نېب کېسونه مخ په خرابېدو دي، تاسو ورته هدایت وکړئ، عمران خان د شهزاد اکبر ځای ناستی ته وویل، دوی ته ووایه چې کېسونه پای ته ورسوي، خبرې مه کوه، عمران خان ته دا هم ویل شوي چې په عدلیې بې ځایه نیوکې مه کوه. .

پخواني چيف جسټس وويل دپوځ سرلښکر قمر جاويد باجوه سره دوه ملاقاتونه شوي دي، په لمړۍ ليدنه کې هغه چنده ورکولو لپاره راغلى و، په داسې حال کې چې دوهمه ليدنه څه موده وړاندې په لاهور کې شوې وه، باجوه وويل چې هغه لاهور ته راغلى و. غوښتل یې له خپلو ملګرو سره وویني

ثاقب نثار وويل چې ما له عمران خان سره دجنرال باجوه په اړه خبرې نه دي کړي، له فيض حميد سره يې څو ځلې ملاقاتونه کړي دي، کله چې هغه چيف جسټس و، د لادرکه کسانو په قضيو کې له فيض حميد سره ملاقاتونه شوي وو او وروسته له فيض حميد سره هم ملاقاتونه شوي وو.

هغه زياته کړه چې مريم نواز اوس ماته د بابا ډېم په نوم ملنډې وهي، ماشومان مې خندل او وايي چې (ن) ليګ تا له کومه ځايه راژوندۍ کړې، مريم نواز سياسي فساد او ځانګړي اهداف ترلاسه کول غواړي.