نړیوال بانک وايي، د پاکستان اقتصاد له سختو ستونزو سره لاس او ګرېوان دی او په هېواد کې انفلاسیون له ۱۹۷۰ لسیزې راهیسې تر ټولو لوړې کچې ته رسېدلی دی

0
84

باغی ټی وی رپورټ
نړیوال بانک وايي، د پاکستان اقتصاد له سختو ستونزو سره لاس او ګرېوان دی او په هېواد کې انفلاسیون له ۱۹۷۰ لسیزې راهیسې تر ټولو لوړې کچې ته رسېدلی دی.

نړیوال بانک د نړۍ د اقتصادي اغیزو په اړه یو راپور خپور کړی چې په کې ویل شوي چې نړیوال اقتصاد د اوکراین او روسیې د جګړې په ګډون د ګڼو لاملونو له امله له سستۍ سره مخ دی.

د پاکستان په اړه د رپورټ ترمخه په روان مالي کال کې د سېلابونو له امله د پاکستان د اقتصادي ودې شرح دوه فيصده ته راښکته کېدو امکان لري، تر دې وړاندې نړيوال بانک د پاکستان لپاره د جي ډي پي ودې څلور فيصده وړاندوينه کړې وه.

د نړیوال بانک په وینا، پاکستان له سختو اقتصادي شرایطو سره مخ دی، وروستي ناوړه سیلابونه او سیاسي بې باوري د پاکستان د ستونزمن اقتصادي وضعیت اصلي لاملونه دي، پاکستان د بهرنیو پورونو د بیرته ورکولو له سختو خطرونو سره مخ دی.

د ډسمبر په میاشت کې د انفلاسیون 24.5 فیصده د 1970 لسیزې راهیسې ترټولو لوړه ده، نړیوال بانک وايي، د پاکستان سیلابونو سره د GDP 4.8 فیصده مساوي لګښت لري.

د جون څخه تر دسمبر پورې د ډالر په مقابل کې روپۍ 14 فیصده کمه شوې ده، سخت موسم د خوراکي او ضروري سامانونو رسولو باندې اغیزه کولی شي، انفراسټرکچر او زراعتي تولیداتو ته زیان رسولی شي، په عین حال کې د هیواد خطر پریمیم 15٪ زیات شوی.

Leave a reply