ترکمنستان: افغانستان باید په لویو پروژو کې ګډ کړل شي

ترکمنستان: افغانستان باید په لویو پروژو کې ګډ کړل شي

د ترکمنستان رئيس جمهور په یوه تازه مرکه کې ویلي چې د افغانستان د ثبات لپاره باید ټوله نړۍ په ګډه کار وکړي او په لویو سیمه ییزو او اقتصادي پروژو کې باید ونډه ورکړل شي.

(2021 / 10 / 3  نېټه باغي ټلویزیون)

د ترکمنستان رئيس جمهور په یوه تازه مرکه کې ویلي چې د افغانستان د ثبات لپاره باید ټوله نړۍ په ګډه کار وکړي او په لویو سیمه ییزو او اقتصادي پروژو کې باید ونډه ورکړل شي.

د ترکمنستان ولسمشر قربان علي بردي محمدوف په یوه تازه مرکه کې ویلي چې نړۍ او سیمه ییز هېوادونه باید د افغانستان سوکالۍ ته کار وکړي او اجازه ورنکړي چې یو ځل بیا افغانستان په نا امنۍ بدل شي.

نوموړي همدا راز ویلي چې باید افغانستان د اقتصاد پر مټ سوکالۍ ته ورسېږي او د سیمې نړۍ مهمو او لویو اقتصادي پروژو کې ونډه ورکړل شي.

نوموړي د سیمې پر هېوادونو هم غږ کړی چې له افغانستان سره ښې اړیکې ولري او د افغانستان د اقتصاد پرمختګ لپاره کار وکړي.

دا په داسې حال کې ده چې د افغانستان او تاجکستان ترمنځ بیا سیاسي اړیکې تر بل هر وخته ډېرې ترینګلې شوې دي.