د پاکستاني ژورنالسټ ارشد شریف د ښي لاس څلور نوکان هم ویستل شوي وو: په پوسټ مارټم رپورټ کښې جیو دا معلومات ترلاسه کړي دي

باغي ټي وي رپورټ
جيو نيوز د خبريال ارشد شريف د پوسټ مارټم تفصيلي راپور ترلاسه کړی دی.

د ارشد شریف پوسټ مارټم رپورټ په 7 پاڼو مشتمل دی چې په 2 پاڼو کې د ارشد شریف سکیچونه دي او په سکیچونو کې د ارشد شریف ژوبل شوي زخمونه په تفصیل سره ښودل شوي دي.

د هسپتال سرچینې وايي چې دا یو لوړ پروفایل کیس دی نو د پوسټ مارټم راپور لیکلو ته لومړیتوب ورکړل شوی ځکه چې په راپور کې د ټایپوګرافیک بدلونونو اندیښنې شتون درلود.
د ارشد شريف د پوسټ مارټم رپورټ اسلام آباد هائي کورټ ته جمع کړے شوے دے او رپورټ د هغه مور، دواړو ميرمنو او اټارني جنرل ته هم ورکړے شوے دے۔

د راپور له مخې، ارشد شریف له ټپي کېدو وروسته د ۱۰ او ۳۰ دقیقو ترمنځ مړ شوی، د مغز او ښي سږو د ټپونو له امله مړ شوی، د ارشد شریف پر بدن ۱۲ ټپونه موندل شوي او د چپې سترګې په شاوخوا کې تورې نښې وې.
د پوسټ مارټم رپورټ کې ویل شوي چې د ارشد شریف د غاړې په چپه برخه کې د زخم نښه وه، د ملا په پورتنۍ برخه کې د زخم نښه موندل شوې او د شا د زخم شاوخوا تور نخښه وه.

د راپور له مخې، د ارشد شریف په ښي لاس څلور نوکان ورک شوي او په ښي لاس یې د سوځېدو نښه وه، په داسې حال کې چې د ارشد شریف د کوپړۍ د چپ اړخ هډوکی ورک شوی او د مغز چپ اړخ اغېزمن شوی دی.