په دوبۍ کې مېشت سوداګر عمر فاروق د عمران خان خان به پخواني مرستیال شهزاد اکبر یو شمیر تورونه لګولي دي

باغی ټي وي رپورټ
په دوبۍ کې مېشت سوداګر عمر فاروق د احتساب په برخه کې د لومړي وزیر پر پخواني سلاکار شهزاد اکبر جدي تورونه لګولي دي.

د جيو نيوز پروګرام “نن له شاهزيب خانزاده سره” کې د خبرو پر مهال عمر فاروق وويل، کله چې مې د سعودي وليعهد له خوا عمران خان ته ډالۍ شوي ساعتونه اخيستي، شهزاد اکبر زما ځورول پيل کړل.

هغه وويل، چې هره ورځ به يې له چا څخه د هوټل د بک کولو غوښتنې کولې، چا ته به يې د سودا اخيستلو پيسې ورکولې، کله کله به يې ټکټ رالېږلو، بيا به مې زړه تنګ شو او د غوښتنو له پوره کولو به يې ډډه کوله، نو په غوسه شو او په ګواښونو يې پيل وکړ.
هغه وویل چې یوه ورځ راته زنګ راغی چې ستا پخوانۍ مېرمن مې موندلې ده او ماشومان مو ترې اخیستي دي، پاکستان ته یې راولئ، ما ورته وویل چې دا پخوانۍ قضیه ده، مالي جوړجاړي خو شوې ده. دوی زما پر ضد زما د خپل ماشوم د تښتولو ایف آی آر درج کړ او زما سور وارنټ یې صادر کړ.

هغه وويل چې له ما څخه د پيسو د اخستلو په موخه د ټول دولتي ماشين په کارولو سره پر ما فشار راوړل شو.

عمر فاروق وویل چې د کابینې په منظورۍ سره هم د مقدمې جوړیدو وروستو شهزاد اکبر له ما سره په غیر مستقیم ډول د پیسو لپاره تماس نیولی وو چې که ژوند بچ کول غواړې پیسې راکړه.
د یادولو وړ ده چې عمران خان ته د سعودي ولیعهد لخوا د ډالۍ په توګه ترلاسه شوې ساعت، حلقه او کفلین د دوبۍ د سوداګر عمر فاروق لخوا په دوه میلیونه ډالرو اخیستل شوي وو.

عمران خان په ۲۰۱۹ کال کې د لومړي وزیر په توګه د سعودي له ولیعهد څخه ترلاسه کړې قیمتي ساعت، ګوتې او نورې ډالۍ وپلورلې.

عمر فاروق، د دوبۍ مخکښ ډالۍ اخيستونکي سوداګر، د جيو نيوز پروګرام “نن ورځ د شاهزيب خانزاده سره” کې ډالۍ وړاندې کړې.
عمر فاروق کوربه شاه زیب خانزاده ته وویل چې په ۲۰۱۹ کال کې د عمران خان د احتساب سلاکار شهزاد اکبر ورسره اړیکه ونیوله چې له هغه وروسته د عمران خان د مېرمنې بشرا بي بي نږدې ملګرې فرح خان په دوبۍ کې د هغه دفتر ته له ډالیو سره راغله.

نوموړي کوربه شاهزيب خانزاده ته وويل، چې د ده غوښتنه پنځه ميليونه ډالره وه، خو ټولې ډالۍ يې په دوه ميليونه ډالره اخيستې او دا پيسې يې فراه ګوګي ته په نغدو پيسو ورکړې.