ترکیه د سلګۍ باران په ګډون درې سوه افغانانو ته تحصلي بورسونه ورکوي

ترکیه د سلګۍ باران په ګډون درې سوه افغانانو ته تحصیلي بورسونه ورکوي

د ۱۴۰۰ ه ش کال کانکور آزموینو پایله کې سلګۍ باران د ۳۵۲ نمرو په اخستلو سره وتوانېده چې د افغان په کچه لوړې نمرې واخلي او د ۱۴۰۰ ه ش کال د کانکور اتلې لقب خپل کړي.

(2021 / 9 / 27  نېټه باغي ټلویزیون)

د ۱۴۰۰ ه ش کال کانکور آزموینو پایله کې سلګۍ باران د ۳۵۲ نمرو په اخستلو سره وتوانېده چې د افغان په کچه لوړې نمرې واخلي او د ۱۴۰۰ ه ش کال د کانکور اتلې لقب خپل کړي.

نوموړې د ۳۵۲ نمرو په ترلاسه کولو د کابل پوهنتون طب پوهنځي ته بریالۍ شوې وه، تازه د ترکیې هېواد اعلان کړی چې د سلګۍ باران په ګډون درې سوه افغان زدکړیالانو ته به تحصیلي بورسونه ورکوي.

تر دې وړاندې هم ترکیې هېواد افغان زدکړیالانو ته د نظامي او ملکي زده کړو لپاره بورسونه ورکول.

اوس هم ترکیه کې سلګونه افغان ځوانان په زده کړو بوخت دي؛ خو هغه افغان زده کړیالان چې نظامي برخو کې یاد هېواد ته د زده کړو لپاره تللي، افغانستان کې د نظام له بدلون سره خپلې راتلونکې ته اندېښمن دي، دوی وايي چې معلومه نده د دوی راتلونکې به څه ډول وي ، د دوی په وینا چې خدای مکړه ټولې ستړیاوې او تکلیفونه یې بېځایه لاړ نشي.

د ترکیې هېواد او یا هم طالبانو تر اوسه د دغو زدکړیالانو اندېښنو ته په ځواب کې څه ندي ویلي.