د بنګله دیش حکومت د هیواد اقتصاد د زیان څخه بچ کولو لپاره د هندي اداکارې شو لغوه کړې ده

باغی ټي وي رپورټ
د بنګله دېش حکومت د بالیووډ د نامتو سندرغاړې نورا فتیحي ننداره ځنډولې ده، څو د هېواد د بهرنۍ اسعارو د ژغورلو لپاره یې هڅې وکړي.

ټاکل شوې وه چې نورا فاتحي د نومبر په ۱۸ مه په ډاکه کې د جایزې په یوه نندارتون کې ګډون وکړي.

خو د هندي رسنیو د راپورونو له مخې د بنګله دېش د کلتور وزارت د اکتوبر په ۱۷ مه د نورا فتحي ننداره وځنډوله او ویې ویل چې د دې اداکارې ننداره د دې لپاره لغوه شوې چې د بهرنیو اسعارو زیرمې خوندي کړي، څو هغې ته په ډالرو پیسې ورنکړل شي.
په نوټيفيکيشن کې ويل شوي چې د نړۍ اقتصادي وضعيت او د مرکزي بانک د پاليسۍ په نظر کې نيولو سره د اداکارې پرمټ منسوخ کړی شوی دی.

نورا فتحي به د بنګلادیش د حکومت له پرېکړې وروسته نوره په دې نندارتون کې پرفارم نه شي کولی.

بايد يادونه وشي، چې د بنګله دېش د کورنيو بهرنيو اسعارو زېرمې ۳۶ مليارډو ۹۰ مليونو ډالرو ته راټيټې شوې دي.
……………………..