د کابل – کندهار په لويه لاره ټرافيکي پېښه؛ څلور تنه مړه شوي

د کابل – کندهار لويې لارې په اوږدو کې د يوې ټرافيکي پېښې له امله د يوې ښځې په ګډون څلور تنه مړه شوي دي.

د راپورونو له مخې دغه پېښه نن سهار د زابل ولايت اړوند (نورک) سيمه کې رامنځته شوې ده.

د راپورونو پر بنسټ، ټرافيکي پېښه د يو سراچه ډوله موټر او ټېلر د ټکر له امله رامنځته شوې چې په پايله کې يې څلور تنو خپل ژوند له لاسه ورکړی دی.

د کارپوهانو په وينا، د معياري سرکونو نشتون او د موټرچلوونکو له لوري د ټرافيکي قوانينو نه مراعتول هغه لاملونه دي چې له امله يې مرګوني ټرافيکي پېښې رامنځته کېږي.