د زړو پیسو ډېر والی؛ هرات صرافانو د اسعارو تبادله بنده کړې ده
د زړو پیسو ډېر والی؛ هرات صرافانو د اسعارو تبادله بنده کړې ده
د هرات اوسېدونکی باقر وايي چې د افغانستان بانک باید بازار ته نوي افغاني بانکنوټونه وړاندې کړي او زړې پیسې دې ټولې کړي. ومو غوښتل چې هرات کې د زړو افغاني بانکنوټونو د ستونزې په اړه د دغه ولایت د محلي مسوولانو نظر هم ولرو، خو بریالي نه شو.
(2033 / 7 / 19 نېټه باغي ټلویزیون)
بشپړ راپور
سلام وطندار د هرات د صرافانو او پولي خدماتو ټولنې رییس غلاممحمد سهرابي لۀ قوله لیکلي چې د افغاني بانک نوټونو زړېدو او دغې ستونزې ته د مسوولانو د نه پام له امله یې د دغه ولایت د اسعارو بازار تړلی دی.
د نوموړي په وینا، دغه ولایت کې کاروبار رالوېدلی او زړو افغاني بانکنوټونو خلکو او سودګرو ته سر خوږی جوړ کړی دی.
هغه سلام وطندار ته ویلي: «کاروبار سقوط شوی او له سهار تر ماښامه د زړو پیسو پر جنجال وي. ا.ا هم جریان کې دی چې هرات کې زړو افغاني بانکنوټونو سوداګریزه راکره ورکړه کې ستونزې پیدا کړي او له همدې امله مو مارکېټ وتاړه.»
د هرات له صرافانو څخه احمد ضیا هم وايي، له تېرو دوو اوونیو راهیسې د زړو افغاني بانکنوټونو له ستونزو سره مخ دی. نوموړی زیاتوي چې بانکونه هم زړې افغانۍ ورکوي او په خپلو صرافیو کې د پیسو راکړې ورکړې پرمهال پېردونکو سره په جنجال کې وي.
د هرات یوشمېر اوسېدونکي او کسبکاران هم د زړو پیسو ډېرېدو څخه نیوکه کوي او وايي، د مسوولانو نه پام د راکړې ورکړې بهیر له ننګونو سره مخ کړی دی.
د هرات اوسېدونکی باقر وايي چې د افغانستان بانک باید بازار ته نوي افغاني بانکنوټونه وړاندې کړي او زړې پیسې دې ټولې کړي. ومو غوښتل چې هرات کې د زړو افغاني بانکنوټونو د ستونزې په اړه د دغه ولایت د محلي مسوولانو نظر هم ولرو، خو بریالي نه شو.
د یادونې ده چې د پیسو مندرس کېدو ستونزه نه یوازې هرات، بلکې نورو ولایتونو کې هم شتون لري او د مالي راکړو ورکړو معاملې یې ستونزو سره مخ کړي دي.
Leave a reply
